To'lov va chek

To'lov ekrani

• Chapda: mijoz, to'lov usullari (Naqd, Karta, Bonus) va kiritilgan to'lovlar.
• O'rtada: to'lanadigan summa, Qoldi va Qaytim, raqamli klaviatura va tez tugmalar (+10 000, +20 000, +50 000, +100 000).
• O'ngda: chek tarkibi.

Qanday to'lanadi

1. To'lov usulini bosing — qolgan summa avtomatik qo'yiladi.
2. Naqd pul ko'proq berilsa, summani yozing yoki +50 000 kabi tugmani bosing — Qaytim hisoblanadi.
3. Aralash to'lov: masalan, avval Kartaga 50 000, keyin Naqdga qolgani.
4. Tasdiqlash yoki Enter.

Karta summasi chekdan oshib ketsa, xato yozuvi chiqadi va tasdiqlab bo'lmaydi.

Mijoz va bonus

Mijoz tugmasi — ism, telefon yoki STIR bo'yicha qidirib tanlang. Bonus dasturi yoqilgan bo'lsa:

• mijozning bonus qoldig'i ko'rinadi;
• Bonus usuli bilan chekning bir qismini bonus bilan to'lash mumkin (ruxsat etilgan ulushgacha);
• chekdan bonus yig'iladi.

Chek

Tasdiqlangach chek ko'rinadi: tovarlar, jami, QQS, to'lov usullari, berilgan pul, qaytim, bonus va TO'LANDI muhri.

• Yangi sotuv yoki Enter — keyingi xaridor.
• Chop etish — chek printeriga.

Tovar qoldig'i darhol kamayadi, naqd kassaga, karta bankka yoziladi.

Aloqa uzilsa

To'lov tasdiqlanayotganda internet uzilsa, qayta bosing — bitta chek ikki marta yozilmaydi.